لمن اراد أن يوزن قصيدته " الدرس 1 "

السلام عليكم و رحمة الله و بركاته ..

كيف أوزن قصيدتي ...؟
كيف اعرف إن قصيدتي موزونة ...؟

دائماً هذهِ الاسئلة تمرُّ عليَّ و دائماً ما كنتُ اسألها لمن لهم باع في كتابة الشعر و قلّما اجد جواباً يكون كافياً لهزية فضولي ..

و لأننّي في نفس المرحلة مع اغلب الاعضاء و هي " مبتدئ " و لكن عندي و لله الحمد بعض المعلومات عن هذا الموضوع و اعرف ما يريده المبتدئ لكي يسهل عليهِ فهم الطريقة ....


أحببتُ أن أضع الموضوع بالطريقة التي ارتاح لها و ترتاحُ لي ..


أوّلاً : ما هو الوزن ...؟
هي مجموعة التفاعيل التي تسمّى بحراً

كم عدد البحور الشعرية..؟
ليس لها عدد و لكن المستخدمة بكثرة 16 بحر

كيف أوزن الابيات ...؟
أوّل طريقة و هي تلحين الابيات و هي اسهل طريقة و لكنّها ليست مضمونة
الطريقة الثانية و هي التقطيع عروضيّاً و هي الاصعب و لكنّها الاضمن


سأتكلّم عن التلحين و سأشرح بشكل مبسّط التقطيع العروضي ..


نأخذ أكثر البحور الشعريّة انتشاراً و هو المسحوب و تفعيلاته هي :

مستفعلن مستفعلن فاعلاتن = مستفعلن مستفعلن فاعلاتن

ملاحظة : لا تركّزون وايد على التفعيلات ركّزوا اكثر على الكلام اللي بعده .... أوكي ...؟

ذي امثلة لشعراء مشهورين :

يقول ناصر الفراعنة :

يا وقتنا اللي صار فيه الذنب راس = مواخر الاذناب تسجد لها روس

و يقول حامد زيد :
يا شعر تبقى في نظرهم كحيلان = و بنظرتي تسوى عيال الحمايل
حنّا الثنين اخوان و اكثر من اخوان = لو ما جتمعنا بالنسب و السلايل

و يقول خلف بن هذال:

يا طي قلبي طي طيٍّ على طي = طيَّ الجرايد في مطابع صحافه
عليك يا جافل من الروح يا ظبي = يا شين قلبك ما بقلبك مرافه


لاحظوا هالامثلة طال عمركم و لحّنوها راح تكون كلّها بنفس اللحن حتّى لو بدّلتوا اماكن الابيات ما راح تلاحظون خلل في الوزن ..

تعالوا ناخذ بعض الامثلة هنا في المنتدى ..

ذي محاولة لي على نفس البحر

http://www.shabaabksa.com/vb/showthread-t_11323.html

و ذي لخلف المشعان

http://www.shabaabksa.com/vb/showthread-t_14900.html


و كثير و كثير جدّاً تلاقونها في القسم هنا ..


خذوا طال عمركم قصيدة ملحّنة على بحر المسحوب و حاولوا تطبّقونها :



نجي للتقطيع العروضي :

تقطيع المسحوب كذا :

ا0ا0اا0ا0ا0اا0ا0اا0ا0 ** ا0ا0اا0ا0ا0اا0ا0اا0ا00<< لاحظوا آخر آخر نقطة اللي بالاسود ما تأثّر على الوزن أبداً يعني لو حطيتوها أو شلتوها ما راح يصير شيء ..

طيّب اللحين يجي واحد يسأل يقول : يا فهد وش هالنقاط و الخطوط ...؟

اقول له يا طويل العمر النقاط يعني إن الحرف ساكن و الخط يعني إن الحرف متحرّك يعني يا مفتوح يا مكسور يا مجرور عرفتوا كيف....؟

نجي للمثال و ركّزوا زين :

البارحه يوم الخلايق نياما ,, بيّحت من كثر البكا كل مكنون

لاحظوا معي الآن في التقطيع .. ولازم تفهمون أهم شي إن التقطيع يكون حسب قراءتكم للكلمه وليس حسب كتابتها ( يعني مثلا يوم الخلايق تنطقها يومل خلايق )

نجي للتقطيع وزي ما قلنا الحرف المتحرك بـ ا والساكن بـ 0

البارحه يوم الخلايق نياما ,, بيحت من كثر البكا كل مكنون

ال با رحه يو مل خلـا يق نيا ما ** بي يح تمن كث رل بكى كل لمك نو ن
ا0 ا0 اا0 ا0 ا0 اا0 ا0 اا0 ا0 ,, ا0 ا0 اا0 ا0 ا0 اا0 ا0 اا0 ا0 0

اللي باللون الأحمر متحرك ورمزناله بـ ا واللي بالأسود ساكن ورمزناله بـ 0

الآن شوفوا التقطيع حق البيت السابق وقارنوه مع التقطيع الأصلي للمسحوب في الأعلى تلقونه نفسه وهذا دليل إن البيت موزون ..



للتنويه : الشرح للتقطيع العروضي مو من كتابتي بس سألت واحد من زمان الله يردّه بالسلامة و كان شرحه لي كذا و انا حتّى الآن أحاول أتقن التقطيع


.............

يالله يالغالين ابي كل واحد يكتب له اكثر من بيت على المسحوب و على اي موضوع يبي و اي قافية ..


و إن شاء الله نستمر بحيل الله في تقديم كل بحر على حده لكن بعد ما اشوف تفاعل منكم


بقلمي..